banner

portfolio

 

 

Liebi Frinde vo uns Hundeli's

 

Au in däm Joor hänn mr immer no sehr fescht mit em Corona-Virus z'kämpfe. Eso verruggt, ass me die ganz Fasnacht 2021 abgsait het. Was uns einersyts natyrlig sehr druurig macht, und anderersyts dien mr's au verstoh. Mr wänn jo im 2022 uff alli Fäll wieder kenne die drey scheenschte Dääg zelebriere. Trotzdäm dr Situation hänn mr dr Kopf nid ganz im Hundenäpfli hängge lo und hänn doch scho wyt im voruss Värsli zämme brinzlet. Em Fiffi isch denn die tolli Idee ko, ass mr das Joor e grooosse Helge (70 x 50 cm) kreiere, wo mr in dr Stadt (au z.T. uff em Land) an divärse Schtandort uffghängt hänn. Eso hänn doch Alli e weeneli Fasnacht und kenne uns lääse, und, falls me nimmi waiss wie mr usssehn, grad no aaluege.

Dr Helge wänn mr Eych natyrlig do uff dr Websyte au zaige. Wenn Dr en dient mit'eme Rächtskligg aawähle, drno kenne Dr'n aabelaade, und mit'eme normale Kligg zaigt'n aifach e weeneli greeser aa. Wie gwohnt kenne Dr au unsere Zeedel do uff dr Syte aaluege und aabelaade.

 

Jänu denn halt, hoffe mr uff e erfolgrychs Corona-Bekämpfigsjoor und fiebere wieder uff die neggscht Fasnacht im 2022 aane.

 

Jetz winsche mr Eych viel Vergniege bim beguetachte vo unserem Helge.

 

Blybet gsund und bis neggscht Joor wieder.

 

 

Eyri Bäffzgi's

 

 

 

 

 

...und do unsere Helge:

 

 

 

 

 

 

Dr Zeedel vom 2021 kasch do aabe laade...

 

 

 

 

 

 

 

 

 


© 2024 bäffzgi.ch - Alli Rächt vorbehalte.